Caro Marcuzzu Zambuto, anchi si nni canuscemu di quannu eramu picciliddri e anchi si ormai parli chi stranieri, mi presento arrè: sugnu Fabiu Russellu, u figliu di Carminuzzu e di Cettinedda, e fazzu, indignamenti, sta rubrica ne stu sito che è u cchiù cliccatu di Giurgenti (e macari da provincia). 

Iu sugnu di Giurgenti e no di Mpalemmo, di Catania o di Taormina o Siracusa. E t'ha diri ca certi voti sugnu vero orgoglioso di essiri giurgintanu, ma certi voti propio no. E' veru ca avemu un  mari e un paesaggiu ca tutti nni mmidìanu (u mari urtimamenti forsi ca no): unni s'ha dittu ma ca uno pure a innaru si metti o bar Milanu a pigliarisi u café assittatu fora? Inchia Marcù, però unn'è ca putemu campari sulu di sti così!! Giurgenti vidi ca è misa mali, i strati, a pulizia, i serbizi comunali, l'impianti sportivi, u campu sportivo ca unu s'allorda tuttu appena s'assetta. 

Vabbè ca ti mittisti a parlari chi milanisi, chi piemuntisa e chi veniti. Gna parla pure cu nantri. Tu parli cu l'Europa, ma ntantu però havi setti anni ca si sinnacu e hamu iutu nnarré comu u curdaru. Brucchisellisi è bellissima di sicuru e iu ti auguru di ìrici, ma vidi che prima di iritinni quarchi cosa pi Giurgenti l’havissitu a fari. Untuscurdari, mi raccumannu.